係唔係以為頂得到六月，就可以拎到抗疫基金嗰9000蚊？SORRY喎，原來唔一定有你份架。
今日我地秘書長李卓人人哥同羅致光開過會，發現SORRY呢個基金僱員唔一定分到錢，詳情請耐心觀看︰
首先，呢個基金對僱主薪金出糧有兩個原則︰
1. 六月申請後不准裁員
2. 收到資助要用喺員工開支
然後，有以下嘅BUGS︰
1. 只係不裁員，無要求僱主確保員工維持收入水平
2. $9000係補貼僱主上限，無話過一定要俾員工
所以，係可以出現以下情況︰
假設A公司1月份有10個人，可呈報計算津貼嘅總工資支出合計150000元，僱主可獲50%津貼，所以係75000元。
3月份，A公司人手減少3人，剩下只得7個人手，但僱主仍可向政府申領75000元工資津貼。
6月份，僱主拎咗呢筆75000元，到底要點樣分配呢？政府無規定，亦唔會監管，條件只係要僱主承諾6月份人手唔少過3月份（即係7個人），同埋75000元全數用於員工開支。
呢間公司決定作如下分配：1個經理可保留自己份高薪厚祿，一毫子人工都唔駛減，獨得60000元，其餘6個人被瘋狂減薪及放無薪假，每人只分得2500元（合共15000元）。
按羅致光所講，因為僱主6月份總薪金支出不少於75000元，而且係全數用喺員工身上（經理都係員工），基於政府只睇大數唔睇細數嘅最高原則，呢個情況，係無，問，題！
喂羅致光你諗住交個咁嘅方案上財委會？比你用香港人嘅錢，大拿拿成八百億，比你去同啲僱主買票？你IQ高得濟SHORT左？
版權: