究竟駛唔駛做到咁絕，你要喺一個社工放假期間，EMAIL佢表示已經「即時解僱」，並因犯嚴重過錯而代通知金也不賠，只付當月薪金就幾年工作關係結束。而高層所講的「嚴重過失」並未有內部調查，僅僅通過督導會議（約莫三小時）就敲定罪名，沒有給予事主上訴的機會。更甚者，高層竟下令事主如果自行回機構就要報警處理，如需執包袱要經約定時間回機構，結果執嘢全程有保安望住，真係唔知自己做錯咩事要俾你咁樣侮辱…
以下文章有點長，事主將難過的經歷投稿給我們，同時事主亦已循勞工處提出申索，然而機構拒絕主任安排的調解會議，故事主亦已預約勞審處落案追討代通知金、假期薪酬等項目，事主希望透過以下投稿，提醒其他社工在社福機構的不公義，打工仔不要再縱容高層惡行，事主亦希望機構懸崖勒馬，尊重一下程序和同工，馬上啟動調查與上訴機制，以及與事主展開對話，正面解決問題，不要將事件推給勞審處，否則拖到2021年都未必解決得到！
*****
事主投稿：
機構用下三流手段裁員
上級為左報仇，見盡機構陰險狡詐手段。
上級同你開會，會預先將你所有文件拿走，原來是想睇下你既文件有冇錯漏，遂粒字同你計。你可以突然收到公司唔用你的消息，禁止你到公司然後番去想了解咩事，就話要拉要鎖，仲有咩錢都唔賠番比你。
#件事係咁的
我在公司工作幾年，公司本身有個好好既老闆。有愛心對Client好，又體恤員工，工作環境十分良好，直到近年，公司人事大變動，上級換曬人，連臉口都轉埋，日日响度捉錯處，用埋d莫須有罪名去屈人，連問問題都是錯。老闆走左，個個都好似想做話事人咁。日日俾唔同人喺度攪攪陣。
以前上司俾人攪走左，想問一些重要的決定，上頭永遠話唔到事，日日俾埋d垃圾建議。
有天突然叫你開會，問你文件有錯可以點，我話我會改善，佢就幾條幾友圍住曬逼我認錯。
然後逐張紙問你，說話侮辱你既人格，講到你一無事處，同你講以前上司已經唔喺度，呢度我們話事，而家要慳錢，如果你有任何錯處咩都無情講，以前果套是過時，做錯野就是罰，幾無理都要接受。
過幾日，又俾人捉入房，又以文件有錯漏作罪名砌人入罪，上級既標準日日不同，鐘意你就咩事都冇，其他人有錯就冇問題。行政亂到爆。 就是咁突然收到書面的文件，寫曬我既錯誤，逼我簽名，我最後以書面覆公司不接納此書面文件，因公司人事規定，講明有投訴機制，上級認為同事做錯事，是可以用口頭、書面、警告信，一級一級上，不能只是一張書面文件，就等於同事犯下嚴重錯失之罪名叫人走，仲要咩野都唔賠，通知期、假期咩都冇賠。