勞工組收到有事主求助，間公司拖欠6位員工總數約$24,000！
以下係呢間無良公司 Wahaha Partyroom 同Fun Fun Fun Party Room事跡：
每個月嘅底薪永遠要提先識出，拖糧仲會態度極差
2020年9月開始工作，所有嘢都係隨心，完全無出糧概念，連邊日出糧都無定，永遠都要自己計住，然後差唔多時候（1-5號前）就要提佢出糧，佢先至開始郁一郁！
每次出糧都係寫支票，逼你返公司做嘢先可以攞到張票，然後因為佢第一個月遲出糧，糧期就莫名其妙變咗由每個月1-31叫一個月變左佢出糧嗰日開始計（例如下個月就會變咗12-11號為之一個月），如此類推，每個月都係咁嘅時候，出糧嘅日子越推越後，試過隔咗個半月先攞得返份糧。
舊有fulltime員工頂唔順，上年十一月離職都比佢拖糧，直至今年二月仲未出哂！追糧message懶理仲會喺其他同事面前唱衰前員工。
去到上年十二月，開始話公司因為疫情捱唔到，所以十一月嘅糧分咗兩期先出到，但佢仲提出各種離奇offer，例如搵到客分10%佣，聖誕返嚟睇住市集計額外時薪等等，另一邊廂繼續洗錢搞各種project。但最後去到一月請咗批新人之後就無再理過舊員工。
追佢出糧就態度180度轉變，同你講無錢，唔好浪費佢時間同錢，因為要搞二月嘅市集，之後仲要比佢block咗踢埋出group。曾經有同事同佢哋面對面相討，佢哋更會扮委屈話見到某啲字眼唔開心所以先會無啦啦block人，又掉轉頭問返我哋點解欠呢個數目嘅糧，要我哋計返出嚟，令人十分費解。
直至依家二月，我哋仲未攞得哂十二月嘅糧，已經報咗勞工處。
通街仇家，懶理員工死活，令員工擔驚受怕
一開始大家都覺得呢間係正常party room公司，做落都無乜問題，直到疫情政府下令關閉，無哂生意，老細覓求出路不斷搵人合作，萬聖節仲搞無牌飲酒party R客，面臨比人拉嘅風險仲要幫佢返工（本身承諾會計返時薪，但最後都不了了之）結果仲發生咗一連串黑社會劈友打交事件，老細完全唔喺現場，part time員工自生自滅，仲差啲有生命威脅。之後佢哋就話已經處理好，五年內都好安全，件事就咁完咗。
之後一直都有偷偷地接客，part time睇場都要面臨比警察捉嘅風險返工，又要面臨比黑社會上門尋仇嘅風險，日日擔驚受怕。十一月尾嘅時候返工仲無啦啦見到成層都係追數嘅街招，有哂老闆嘅個人資料同相，話佢爭人18萬，當時佢辯稱「比人整蠱」，仲將啲街招加返filter貼返出去，令人十分疑惑，及後得知原來佢係爭前股東嘅錢，之後嘅事都唔太清楚。
發生罵戰之後佢一直都有追po，佢仍然覺得自己無問題，喺個人社交平台一直出po，又突然開始喺whatsapp指責我哋話工作不主動，垃圾大學生比不上中學生(?)就諉過於佢各種難聽說話，從來無正視過出糧嘅問題，block哂啲人踢哂啲人就當無事發生，其實我哋不嬲都想息事寧人拎到糧就算數，但佢一直想搞大件事，十分無奈。
我哋衷心希望可以多啲人見到佢嘅惡行，唔好入去做，更加唔好再幫襯佢任何嘅product同service！
商業道德惡劣
因為疫情佢哋一直都搵緊點樣可以用現有場地轉型搵錢，但佢哋諗嘅嘢完全係無道德，當啲客係水魚咁款，由一開始嘅酒場(無酒牌)、 燒烤場(無食牌)，直到之後政府短暫開返，收人哋訂金之後又被下令關閉，唔退訂金，逼人哋將啲訂金換做coupon去幫襯佢哋新諗嘅service (自助烘焙、水煙等等），嗰班客人都大感無奈，最後都有上網唱衰佢。依家又開始利用中學生無知嘅心態同佢哋合作搞年宵市集，最後仲比人偷拍放哂上網。
公司名稱：Wahaha Partyroom (觀塘) Funfunfun partyroom (荔枝角)
公司地址：觀塘駿業里8號世貿大樓3樓全層
僱主名稱：唐子洋(Tony Tong), Kitty Lam