星島日報2014-08-04報導全文:
假 日 變 外 傭 樂 園 路 德 圍 淪 陷
http://std.stheadline.com/archive/fullstory.asp?andor=or&year1=2014&mont...
新聞短打
小草:
呀啲報紙為左唱衰人，真係去到不惜自相矛盾啦。
這篇報導大字標題為「假日變外傭樂園，路德圍淪陷」。唉，編輯大佬，「淪陷」的意思是被人「不能反抗地佔有了」，日本仔佔據香港三年零八個月無假放就叫做「淪陷」。可是編輯自己都話係「假日」，咁即是一周的另外六日根本沒有這回事，咁點叫「淪陷」？
如果要刻薄講一句，報導裡面反對外傭假日使用空間的的食肆店家，當他們使用公共空間做生意，才會每日都佔據空間。
不過，話說回來，大家知唔知「圍」係點解？圍的設計不是道路，而是聚集的空間。以前的圍，就是中間有墟市，大家在那裡交換財貨的地方，擺賣下，理當熱熱鬧鬧，讓人眼花繚亂。查實，路德圍一向都有市民使用，以前有叔叔姨姨跳舞又俾食環趕，食肆放出來很有特色又被食環趕，現在又想趕外傭啫。講真，而家地產霸權租咁貴，小店都係要擺出來才能維本。
公共空間，樓下店舖也可與外傭及樓上街坊商討用法，何必搞到下下就告人，出傳媒插人？大家都係用下啫，相煎何太急？
阿脾:
香港而家有超過31萬外傭, 咁龐大嘅人口, 香港而家有冇為佢地提供適合嘅活動場所呢? 其實佢地同好多香港人一樣, 放假果陣都係想搵朋友傾下計, 食下野, 唱下歌跳下舞, 但係, 每個月三千幾蚊人工可唔可以支撐佢地過住同香港人一樣嘅假日生活呢? 香港周圍都係嘅貴價商場有冇佢地份呢? 喺咁熱、又要露天嘅地方甚至係馬路邊「野餐」又係咪真係佢地好想? 喺指責人地「罷佔」我地嘅地方之前, 係咪應該諗下我地又俾左啲咩人呢?