「因為未曾有過，便不會珍惜，未享受過，亦不覺得被剥削」，李卓人以簡單十幾字，正好道出爭取集體談判權之路不易。
他見證了勞工法例的黃金年代，於九七回歸前通過《僱員代表權、諮詢權及集體談判權條例》，惟法例於同年被廢除，成香港史上壽命最短的法案。廢法後，香港走過金融危機及沙士肆虐等，減薪、裁員、減福利、增加工時無日無之，「無咗法例，商界嘅刀就磨得好利，斬落打工仔身上，俾人斬到周身傷。」縱然立法遙遙無期，李卓人寄語大家做好組織工作，努力「插旗」，增加自身談判力量。
勞工法例的黃金時代 通過集體談判權
末任港督彭定康提出的新九組成為契機，令民意代表進入議會，李卓人於1995年參選製造界功能組別，成功取得議席。九七前的兩年，可說是勞工權益的黃金時期，大量勞工法例可以以私人法案方式提交，而且不設分組點票，由貼身至打工仔待遇(如：增加分娩假薪酬、提高破欠基金等)到工會權益(如：防止歧視職工會等)都提交了不同改善方案，大部分亦獲通過。
李卓人憶述職工盟當時有兩年的立法計劃，集體談判權是其中之一，他笑指：「簡直係人生中最難搞嘅一條法案，我哋所有嘢由草擬開始都係由零做起，無一個原始法例可以參考，要去睇吓外國嘅模式係點，再去諗最適合香港嘅做法，先用一年做研究，再揾國際工會揾專業人士寫法例，寫完仲要揾人翻譯」。正因集體談判權如此複雜、艱澀，《僱員代表權、諮詢權及集體談判權條例》剛好趕及回歸前1997年6月26日由當時的立法局通過。
工聯會投反對票 李卓人：「根本係出賣工人」
值得一提，代表多個工會並且標榜支持工人權益的工聯會，當時的立法局議員鄭耀棠就法案投反對票。當時，李卓人多次約工聯會討論法案，最終被拒絕，「佢哋當時嘅講法係話我哋寫得唔好、寫得太複雜，咁我挑戰佢哋去修訂個法案，佢哋又咩都唔做，所以佢哋真係好虛偽，每次聽到佢哋話爭取三級制集體談判權，都係得個講，你哋有咁多人唔去寫私人法案，我去寫，你就投反對，根本係出賣工人，無誠意搞集體談判權」。
《集體談判權條例》成史上壽命最短法案
可惜，七一回歸後，無認受性的臨時立法會隨即凍結《集體談判權條例》，於同年10月底正式廢除，《集體談判權條例》成為了香港生效時期最短的一條法例。李卓人坦言：「其實一早預咗會俾人廢，因為當時已經估計到，但只係估唔到咁快」，他曾聽聞回歸晚會時，商界看似舉杯慶祝，卻竊竊私語如何推倒法案，而當時商界已視集體談判權為洪水猛獸，自由黨的口號更是「集體談判、遺害社會、工會壯大、經濟受害」。
「事實上，98年金融風暴，正正體驗了廢法嘅禍害，商家用得最多嘅手法就係將成本轉嫁俾工人，減人工、單方面更改合約、裁員都係即日俾你簽，第二日生效，完全唔駛諮詢，所以無咗法例，商界嘅刀就磨得好利，斬落打工仔身上，俾人斬到周身傷。」以致日後經濟倒退時，如樓市泡沫、沙士、金融海嘯等等，打工仔都首當其衝。
廢法二十年 傷感原地踏步
為抗議臨立會廢法的決定，未能坐直通車過渡的李卓人在體制內可做的有限，只好選擇絶食，引起社會關注、討論。前後於天星碼頭絶食了5日，合共120個小時，李卓人形容過程很心傷，「本來係咩都無，經歷咗咁耐，付出咗咁多，最後都係咩都無，原地踏步，要由頭再捱過」。
廢法至今二十年，李卓人坦言若果當年沒有廢法，今時今日組織工會的做法就有所不同，一如西方國家，真正組織工人，就行業薪酬、待遇談判，「唔會好似依家啲人入會就問有咩著數，一味諗點樣著數，而唔係點樣團結大家，向老細施壓」。
縱然立法遙遙無期，不過李卓人指集體談判與民主體制是不能分割，當香港民主化，才會有機會爭取到，當下一刻就做好組織工作，努力「插旗」，增加自身談判力量。