內容:
自由標籤:
自己參與發起公投，我都覺得好矛盾，覺得有啲自私。因為，今次公投可能真係會影響份工，真係會影響屋企收入。
但係日日睇見中國嘅新聞，勞工團體、工人去拎返應得嘅權益，都會比中國政府送入監倉－－尋釁滋事罪、顛覆國家政權，一個有咗国安法嘅香港，我諗，都唔會同中國差得遠。
反国安法公投，我哋無得揀，應該要做。
我同下一代講︰「留唔留係香港，你地自己決定」。作為一個父母，我嘅下一代要係將來嘅香港生活，我覺得係一個好悲哀好無力嘅狀態。
一方面我想佢為自己將來打拼，去爭取一個城市應該要有嘅野，為佢嘅生活目標去努力；
但作為父親，我唔想佢地出去，怕佢比人拉，比人打，好擔心佢地往後嘅生活；
但係，作為一個工會嘅人，作為一個相信團結相信抗爭嘅人，呢啲說話，我講唔到出口。
我覺得，要爭取、要送頭，留返比我地呢代人，我地都上左年紀，仔女又出曬身，無乜經濟壓力，我地豁得出去。
為左香港嘅將來，為左呢個可能係我仔女將來繼續生活嘅城市，我相信，依一刻，係拼搏嘅最好時機。
罷工公投，已經係依加作為一個人，係最安全情況下，可以做嘅野。
【城巴有限公司職工會】 網上入會
【新世界第一巴士公司職工會】網上入會
求助熱線：27708668
FB Inbox: 職工盟(HKCTU)
TG:@HKCTU